Maurice Deixonne

Version en français à la suite.

DEIXONNE : un nom qui sona com ua clau a las aurelhas de las e los qui s'interèssan a las lengas de França.

Plan sovent, que's preng la lei Deixonne qui autorizèc l'ensenhament facultatiu de daubuas lengas regionalas (lo basco, lo breton, lo catalan e l'occitan dins lo tèxte d'origina) deu 11 de genèr de 1951 com lo punt de partença deus ensenhaments possibles de las lengas minorizadas en França.

Vadut lo 8 de junh de 1904 a Curepipe (Isla Maurice), que's moreish lo 27 de junh de 1987 a Vaulnaveys-lo-Haut (Isèra). Secretari de la federacion socialista deu Tarn, qu'ei elegit deputat deu Tarn en junh de 1946, constantament reelegit dinc en 1958. A l'Assemblada nacionala, que veng l'especialista de las questions escolaras e de la laïcitat per la SFIO e que serà mei tard un actor fondamentau de l'estructuracion de l'educacion populara.

Orfanèu de pair a la soa neishença, borsièr, que segueish estudis remirablas qui’u conduseishen a l'Escòla Normala Superiora. Qu'ei recebut en 1930 a l'agregacion de filosofia e qu'ensenharà a Valencianas, Orlhac, Gap, Aush e Lorda. Pacifista, novator pedagogic, engatjat politic, que serà revocat per Vichy en deceme de 1940. Un còp desmobilizat, que s'installa enter Aush e Lorda e que rejunh un maquís de l'oèst de Gèrs .

A la Liberacion, qu'ei nommat Inspector d'Acadèmia a Aush en plaça deu precedent, nommat per Vichy puish revocat peu comitat de Liberacion e lo Prefècte Dechristie, puish serà provisor deu licèu d'Albi (1945-1946).

Aquera lei de 1951 qu'a permetut l'ensenhament opcionau que nombroses an coneishut au licèu dab professors qui en mei de la lor disciplina ensenhavan l'occitan. Punts suplementaris qui ajudavan a obténguer mencions au bachelierat, en plen periòde d'emancipacion pòst seishanta-ueitarda « Gardarem lo Larzac », « Volem viure au País”. Descobèrta qué lo “patoès familiau” èra ua lenga literària de cultura, deus Marti, Los de Nadau, Joan Pau Verdier, Maria Roanet, los trobadors, Mistral, Bodon... Mei tard qu'estoc completada e que permetoc lo CAPES puish l'Agregacion en occitan, pòstes de conselhèrs pedagogics dens los departaments de l'Academia de Tolosa, las seccions bilinguas de l'ensenhament public...

Gèrs qu'ei estat un lòc de luta per la libertat peu Maurice Deixonne, portaire de l'emancipacion per l'educacion entà totas e tots. Que cau véser aqueras valors dins la possibilitat que balhava a las lengas de França per la lei que presentava.

Contacte : ostaugascon@gmail.com

-----------------------------------------------------

DEIXONNE : un nom qui sonne comme un sésame aux oreilles de celles et ceux qui s’intéressent aux langues de France.

Très souvent, on prend la loi Deixonne qui autorisa l'enseignement facultatif de certaines langues régionales (le basque, le breton, le catalan et l'occitan dans le texte d’origine) du 11 janvier 1951 comme le point de départ des enseignements possibles des langues minorisées en France.

Né le 8 juin 1904 à Curepipe (Ile Maurice), il meurt le 27 juin 1987 à Vaulnaveys-le-Haut (Isère). Secrétaire de la fédération socialiste du Tarn, il est élu député du Tarn en juin 1946, constamment réélu jusqu'en 1958. À l'Assemblée nationale, il devient le spécialiste des questions scolaires et de la laïcité pour la SFIO et sera plus tard un acteur fondamental de la structuration de l’éducation populaire.

Orphelin de père à sa naissance, boursier, il suit des études brillantes qui le conduisent à l'École Normale Supérieure. Il est reçu en 1930 à l'agrégation de philosophie et enseignera à Valenciennes, Aurillac, Gap, Auch et Lourdes. Pacifiste, novateur pédagogique, engagé politique, il sera révoqué par Vichy en décembre 1940. Après avoir été démobilisé, il s’installe entre Auch et Lourdes et rejoint un maquis de l’ouest du Gers.

À la Libération, il est nommé Inspecteur d'Académie à Auch en place du précédent, nommé par Vichy puis révoqué par le comité de Libération et le Préfet Dechristie, puis proviseur du lycée d'Albi (1945-1946).

Cette loi de 1951 a permis l’enseignement optionnel que beaucoup ont connu au lycée avec des professeurs qui en plus de leur discipline enseignaient l’occitan. Des points supplémentaires qui aidaient à obtenir des mentions au bac, en pleine période d’émancipation post soixante-huitarde « Gardarem lo Larzac » « Volem viure au País”. Découverte que le “patois familial” était une langue littéraire de culture, des Marti, Los de Nadau, Joan Pau Verdier, Maria Roanet, les troubadours, Mistral, Bodon... Plus tard elle fut complétée et permit le CAPES puis l’Agrégation en occitan, des postes de conseillers pédagogiques dans les départements de l’Académie de Toulouse, les sections bilingues de l’enseignement public...

Le Gers a été un lieu de lutte pour la liberté pour Maurice Deixonne, chantre de l’émancipation par l’éducation pour toutes et tous. Il faut voir ces valeurs dans la possibilité qu’il donnait aux langues de France par la loi qu’il présentait.

Contact : ostaugascon@gmail.com