Fro-Fro : la reina de la tròba
Qu’ei l’istòria, a la debuta de l’ivèrn, d’ua tessona maucontenta, la Fro-Fro, dens ua bòrda deu Carcin. Lo son tòs qu’èra vueit, los sons frairs de porcatèra eran partits, Diu sap ont, la gata negra que venguèva sovent devisar dambe èra, avèva tanben desaparescuda. Ne l’i demorava pas degun entà partatjar lo son desespèr e n’estampava pas jamès de ronhar dambe malícia.
Per astre, un còp, ua garia passèc au pròche deu cortilh ; la Fro-Fro la questionèc de tira :
- Que de nau auèi a la bòrda, l’i digoc ?
- La bordalèra qu’ei en cosina, ça digoc la garia, hè cauhar un gran topin d’aiga.
- E que hè lo bordalèr ? ajustec la tessona.
- E ben, qu'esmòu longs cotèths e hica en plaça ua taula de batèra.
Dempuish mantuas setmanas la vita vitanta de la Fro-Fro en èra de cambiar, la neuritud que se hasèva mens abondosa sinon inexistenta. Adiu la saborosa ensalada de bletas e de pomas1 cueitas, adiu los amics e las amigas deu poralhèr desaparescuts, las aulhas, las crabas partidas au luenh entà cercar de que minjar. Los bordalèrs eths eran hèra sovent embarrats dens la maison, au cornèr dambe los dròlles ahamats. Per tot díser los graèrs eran vueits e la hamièra tustava a la pòrta. Per malastre, la Fro-Fro començava de comprénguer qu’anava servir de repaish.
- Que moreishi de hami, garia, pòdes pas me díser ont trobar de que minjar ? digoc la Fro-fro.
- Aciu, au pè deu costalat. La craba m’a dit que i a un camp confit de deliciosas bletas.
La tessona s’escadec a s’escapar mes ne trobèc pas arren. En tot se’n tornar, encontrèc la craba que l’i digoc qui avèva mes luenh ua aglanèra en lo bòsc de cassos. Qu’i angoc e i trobèc vertadèrament cassos entornejats d’ua parrabastèra d’aglands : se’n engoliscoc viste hèit puish se pausèc un temps dens un trauc hangós tà hèr un cluc. Coma èra de s’endròmer ua aulor estranha vengoc lo gratilhar las nasics : un perfum deus hòrts que l’i hasèva quilhar las suas sedas. De tira, se botèc a hosilhar lo sòu e d’un còp de nas plegadís, hasoc aparéisher la clau deu mistèri : un camparòu que s’estujava en devath de tèrra, e que sols los qu’an un nas pro sensiu poden trobar. Qu’estoc un delici paradisiac e qu’ei la gauta plea d’aqueras bolas negras que se’n tornèc a la bòrda. Lo bordalèr desesperat, que la cercava de pertot, au vejaire de la bestia, s'escridèc :
- Miladiu de miladiu Fro-Fro ont as trobat aqueras bolas negras ?
De tira, l'embarrèc dambe precaucion dens la porcatèra e angoc amuishar la causa a la sua hemna. E l’endoman matin, partiscón tots dus de cap au bòsc dambe la troja a l’endavant estacada a ua cordeta. Qu’ei coma aquò que los òmes an descobèrt aquèth camparòu tant apreciat en cosina.
Deu còp, la Fro-Fro, era qu’èra promesa a hèr cambajons, trips, pastèths e saussissons, viscoc hèra de long en tota tranquillitat. Aprofieitèc cada jorn d’un abeveder2 acompanhat de bletas gostosas e de pomas. Lo bordalèr, eth, se crompèc ua cavala e sustot apitèc ua navèra porcatèra per la Fro-Fro.
Auei enqüèra, los pòrcs son tostemps urós de’s passejar, en sason, dens lo campèstre deu Carcin per desarrigar aqueras bòlas negras marbradas que s’apèran las trufas.
Moralitat : A cadun las suas competéncias, las partatjar qu’ei totjorn gran benefici per tots.
Lo Claudi inspirat deu libe de la Catarina Lamic : Contes de ma terre.
1/ Poma : pomme de terre, poma de pomèr : pomme (de pommier)
2/ soupe du cochon composée, d’eau de vaisselle, farine, restes de repas, et légumes avariés, feuille d’arbres (ormeaux…).
Frou- Frou : la reine des chercheuses.
Dans une ferme du Quercy, une jeune truie rouscaillait, au début de l’hiver. Son auge était vide, ses frères de porcherie étaient partis dieu sait où, la chatte noire qui venait souvent discuter avec elle avait également disparu. Il n’y avait plus personne pour partager son désespoir, de colère, elle ne cessait de grogner.
Par chance, une poule vint à passer à proximité. Aussitôt, Frou-Frou la questionna :
- Quelles sont les nouvelles de la ferme ? lui demanda-t-elle.
- La fermière est en cuisine, lui dit la poule, elle fait chauffer une grande casserole d’eau.
- Et que fait le fermier ? ajouta la truie.
- Eh bien, il aiguise de longs couteaux et il installe la grande table des moissons.
Depuis de nombreuses semaines, la vie quotidienne de Frou-Frou changeait. Sa nourriture était moins abondante, souvent inexistante. Adieu les savoureuses salades de betteraves et de pommes de terre cuites, adieu les amis et amies du poulailler disparus ; les brebis, les chèvres partis au loin pour chercher leur pitance. Les fermiers, eux, restaient dans la maison auprès de la cheminée avec leurs enfants affamés. Pour tout dire, le grenier était vide et la famine frappait à la porte. Malheur ! Frou-Frou commençait à comprendre qu’elle allait servir de repas.
- Dis-moi, mon amie, je meurs de faim, où puis-je trouver de quoi manger ?
- Là-bas, au pied de la colline, la chèvre m’a dit qu’il y avait un champ plein de délicieuses betteraves.
La truie parvint à s’échapper, mais n’y trouva rien. En revenant, elle rencontra la chèvre qui lui indiqua un bois de chênes. Sur place, elle trouva effectivement les chênes, tout autour le sol était tapissé d’une myriade de glands dont elle fit ripaille. Repue, elle s’allongea un instant dans un trou boueux pour faire une sieste. Comme elle commençait à s’assoupir, une étrange et capiteuse odeur vint lui chatouiller le nez ; un parfum puissant qui lui faisait dresser les soies. Instantanément, elle se mit à fouiller le sol de son groin agile et fit apparaitre la clé du mystère : une sorte de patate qui se cachait sous terre et que seuls ceux qui ont nez sensible peuvent détecter. Ce fut un délice paradisiaque et c’est la gueule pleine de ces boules noires qu’elle revint à la ferme.
Le fermier désespéré la cherchait partout. A la vue de sa bête, il s’exclama :
- Mille-dieux de mille-dieux ! Frou-Frou où as-tu trouvé ces boules noires ?
Promptement, il l’enferma avec précaution dans la porcherie et alla montrer la trouvaille à sa femme. Le lendemain matin, ils partirent tous deux dans le bois, guidés par la truie attachée à une cordelette.
C’est ainsi que les hommes ont découvert ce champignon tellement apprécié en cuisine.
Sur ce fait Frou-Frou, qui était destinée à faire du jambon, du boudin, du pâté et du saucisson vécut longtemps en toute tranquillité. Elle bénéficia tous les jours des eaux grasses de la vaisselle accompagnées de betteraves savoureuses et de pommes de terre. Le fermier, lui, s’acheta une pouliche et fit construire une nouvelle porcherie pour Frou-Frou.
Aujourd’hui encore, les cochons sont heureux de se promener, en saison dans la campagne du Quercy pour déterrer ces boules noires marbrés que l’on nomme des truffes.
Moralité : A chacun ses compétences et les partager est toujours un grand bénéfice pour chacun.
Lo Claudi Inspiré du livre « Contes de ma terre » de Catherine Lamic, édition Tertium.
OSTAU GASCON - 15, rue Marceau - 32000 Auch - 05 62 08 52 49
www.ostaugascon.wordpress.com - @ostaugascon
Permanéncia lo dimècres (permanence le mercredi) de 14 h a 16 h
Talher lenga lo diluns (atelier langue le lundi) a 18 h