En ces temps de peurs américaines et commerciales, voici un conte où il est question de sorcières, de jeteuses de sort qui œuvrent par chez nous.
I aveva un còp, ua goja de caperan. Las gens disèvan qu’èra hatilhèra.
Son mèstre acabèc per ac saber. Un dissabte au ser, ça l’i digoc :
- Mia, las gens disan qu’es hatilhèra.
- Mossur lo curat, que n’an mentit.
- Vejam, mia, ditz me la vertat.
- Mossur lo curat, que n’an mentit.
- Mia, s’ès hatilhèra te podès hisar a jo. Te voi acompanhar au sabat, ditz me coma èi a m’i prénguer.
- E ben, mossur lo curat, vos ac vau tot díser, botatz lo pè sus aquèra bareja en cridar :
Hardit, hardit bareja
Dinc a l’ora e mièja.
Lo caperan prengoc l’aiga senhada e lo gopilh, botèc lo pè sus la bareja, e cridèc :
Hardit, hardit barèja
Dinc a l’ora e mièja.
La bareja partiscoc, a travèrs los crums, cent còp mès viste que lo vent. En cinc minutas, lo caperan e la goja eran arrivats suu lòc deu sabat. Era un beth castèth coma lo rei n’a pas lo parièr. Hatilhèrs e hatilhèras dançavan au son deus vriulons. Quan èran lassis, s’anavan assetar a granas taulas, cargadas de plats e de vins de tot òrde.
Lo caperan mièi mòrt de paur, segostiscoc l’aiga senhada dambe son gopilh.
Suu còp tot s’aboliscoc. Lo caperan se trobèc portat sense saber coma dens un nis d’agaça, a la cabelha d’un biule, entre las ribèras deu Tarn e de l’Avairon.
Dictat au J.F. Blade per Antonièta Sant, vasuda Costurian, de Sarrant (Gèrs).
OSTAU GASCON - 15, rue Marceau - 32000 Auch - 05 62 08 52 49
www.ostaugascon.wordpress.com - @ostaugascon - [email protected]
Il était une fois, une servante de curé que les gens accusaient d’être sorcière.
Son maître finit par le savoir, un samedi soir il lui dit :
- Mie, les gens disent que tu es sorcière.
- Monsieur le curé, ils en ont menti.
- Voyons, Mie, dis-moi la vérité.
- Monsieur le curé, ils en ont menti.
- Mie, si tu es sorcière, tu peux te fier à moi. Je veux t’accompagner au sabbat. Dis-moi comment il faut m’y prendre.
- Eh bien, Monsieur le curé, je vais tout vous dire. Mettez le pied sur ce balai en criant :
«Hardi, hardi balai, jusqu’à l’heure et demi ! »
Le curé prit son eau bénite et son goupillon, mit le pied sur le balai, et cria :
«Hardi, hardi balai, jusqu’à l’heure et demi ! »
Le balai partit à travers les nuages, cent fois plus vite que le vent. En cinq minutes, le curé et sa servante étaient rendus sur le lieu du sabbat. C’était un beau château comme le roi n’en a pas le pareil. Sorciers et sorcières dansaient au son des violons. Quand ils étaient fatigués, ils allaient s’asseoir à de grandes tables, chargées de plats et de vins de toutes sortes. Le curé, a moitié mort de peur, secoua l’eau bénite avec son goupillon. Aussitôt tout disparu. Le curé se trouva porté, sans savoir comment, sur un nid de pie, à la cime d’un peuplier, entre les rivières du Tarn et de l’Aveyron.
Recueilli par J.F. Bladé auprès d’Antoinette Sant, née Cousturian, de Sarrant (Gers).