.jpg)
Los Archius de la Catedrau de Barcelona qu'an anonciat la descobèrta, au demiei deu son fons documentari, d'un tròç d'un cançonaire trobador deu sègle XIV. Las 13 huelhas que contienen 17 poèmas, qu'ei considerat com la descobèrta la mei importanta de las darrèras cent annadas d'un manuscrit medievau de poesia de trobadors.
Lo tròç, descobèrt en març de 2023, qu'ei estudiat peus professors de literatura medievau de l'Universitat de Girona, Miriam Cabré e Sadurní Martí. Aqueth recuelh de cançons, qu’es en rapòrt dab ua antologia poetica dab pèças de Pèire Cardenal (1180-1278), qu'auhereish un apercebut navèth de la circulacion de la poesia deus trobadors en Catalonha e de las relacions dab Occitània.
Aquera descobèrta que permet egalament de compréner mélher las proceduras de copia e de lectura d'aquera fòrma de poesia au sègle XIV en Catalonha. Que s'a suggerit de nommar lo document Tròç trobador de la Catedrau de Barcelona, dab las inicialas Bc.
Los Archius capitulars de la Catedrau de Barcelona, cargats de gerir la documentacion istorica de la Catedrau e deu Capítol, qu'amagan un ric patrimòni enqüèra parciaument repertoriat, pr'amor de conflictes istorics taus com las confiscacions eclesiasticas en Espanha e la guèrra civila de 1936-1939. Mei de 40 000 manuscrits, 257 codèx e mei de 12 000 volumes e religaduras qu'i son conservats, dont 20 % que demoran de catalogar.
Les Archives de la Cathédrale de Barcelone ont annoncé la découverte, parmi son fonds documentaire, d'un fragment d’un chansonnier troubadour du XIVe siècle. Les 13 feuilles contiennent 17 poèmes, il est considéré comme la découverte la plus importante des dernières cent années d'un manuscrit médiéval de poésie de troubadours.
Le fragment, découvert en mars 2023, est étudié par les professeurs de littérature médiévale de l'Université de Gérone, Miriam Cabré et Sadurní Martí. Ce recueil de chansons, qui est en rapport avec une anthologie poétique avec des pièces de Pèire Cardenal (1180-1278), il offre un nouvel aperçu de la circulation de la poésie des troubadours en Catalogne et des relations avec l'Occitanie.
Cette découverte permet également de mieux comprendre les procédures de copie et de lecture de cette forme de poésie au XIVe siècle en Catalogne. On a suggéré de nommer le document Fragment troubadour de la Cathédrale de Barcelone, avec les initiales Bc.
Les Archives capitulaires de la Cathédrale de Barcelone, chargés de gérer la documentation historique de la Cathédrale et du Chapitre, cachent un riche patrimoine encore partiellement répertorié, à cause de conflits historiques tels que les confiscations ecclésiastiques en Espagne et la guerre civile de 1936-1939. Plus de 40 000 manuscrits, 257 codex et plus de 12 000 volumes et reliures y sont conservés, dont 20 % restent de cataloguer.
