.jpg)
Un espectacle occitanocatalanogalèc a ganhat lo prèmi Ciutat de Barcelona de la musica
4132314 es un espectacle que los grops Cocanha, Tarta Relena e Los Sara Fontan an creat a Barcelona, inspirat de las obrèras de las ancianas usinas textilas.
Se tracta deu projècte 4132314 creat a Barcelona puus grops Cocanha, Tarta Relena e Los Sara Fontan. Lo prèmi s’autregèt dimècres passat, 15 de heurèr, dins ua ceremònia ont la cantadora de Cocanha, Lila Fraysse, mercegèt, en occitan, la vila de Barcelona “per çò qu’es una onor de poder celebrar uèi aquel espectacle ont nòstra expression occitana, sovent desqualificada encara en França, a trapat tota sa plaça”.
4132314 es una antologia de cançons de trabalh de femnas, juntadas dins un espectacle que las tres còlas creèran amassa a Barcelona e que se representèt peu prumèr còp en julhet passat. L’espectacle es inspirat de la sonoritat de las ancianas usinas textilas, de las memòrias de las obrèras e de lors cants ; una celebracion deu trabalh collectiu, la solidaritat, de la sororitat e deu cant dins la vita vitanta. Per Lila Fraysse, s’agís d’un “espaci d’escambi a l’entorn de nòstras culturas popularas”.
L’espectacle a avut tanplan de succès a la Fièra Mediterranèa de Manresa e quitament a Madrid.
Tòca : realisacion, difusion e promocion de produccions audiò-visuaus, escritas o de tota auta natura qu'an principaument rapòrt dambe la cultura occitana de Gasconha.