Dimenjada occitana 6/23

Guillaume Lopez & L'Orquèstra d'Armonia de Tornafuèlha

Despuish 20 ans Guillaume Lopez que cor los hestaus de musica deu monde en França e a l'estrangèr entà prepausar lo son repertòri gessit d'ua mescla enter las musicas tradicionaus deus país d'òc e las sonoritats espanhòlas de las soas originas. Cantaire e musician vagamond, qu'ei en perpetuau quista d'encontre, de partatge e de presa de risc. La soa desmarcha artistica soscada e assumida qu'ei neurida e enriquida per las soas nombrosas collaboracions musicaus dab Thierry Roques, Cyrille Brotto, Eric Fraj, Bijan Chemirani, Kiko Ruiz, Les Ogres de Barback... Tant d'encontres qui an faiçonat la soa musicalitat e obèrt lo son territòri de jòc, shens restriccion d'estile.

Après la prumèra collaboracion de 2017 « Brotto Lopez – 15 ans en Harmonia », Guillaume que torna a las soas honts de Tornafuèlha en tot prepausar ua creacion navèra dab l'Orquèstra d'Armonia de Tornafuèlha.

Un navèth repertòri concebut dab l'acordeonista Clamenç Rousse, e la cantaira Emilia Manescau, un adobaire navèth, Anthony Duboy, entà ua palanca navèra enter las musicas a dançar occitanas e la musica d'armonia.

Los 50 musicians de l'Orquèstra dirigits per Claude Poisegur que dialògan dab Guillaume Lopez (cant, flaüta, boha) Clément Rousse (acordeon diatonic, boha, clarin), Émilie Manescau (cant) e Simon Portaire (bateria).