Le mouvement occitaniste s'organise pour participer aux élections territoriales !
Los occitanistas vòlen anar a las eleccions territorialas venentas !
Per las eleccions venentas, regionalas e departamentalas, lo moviment "Occitània País Nòstre" ensaja de recampar totas las personas de bona volontat per i anar.
Occitània País Nòstre es nascut un an fa de l’union de diferents grops estacats a l'idea d'aparar los interesses del País d'Òc, e atal t’aviá labelizat una cinquantena de listas a las eleccions municipalas passadas. Uèi, compta mai d’un cinquantenat d’elegits que n’i a una dotzena que son cònsols màgers representan Occitània País Nòstre dins divèrsas municipalitats.
Dempuèi, lo moviment regionalista contunha de s’afortir e te recampa d’ara enlà un fialat de mai de quatre-vints comitats dins la Granda Occitània e mai los de l’exili.
Per confortar sa preséncia sul terren, lo moviment a per objectiu de passar lo cap dels cinq-cents sòcis.
Son estrategia per las escasenças electoralas regionalas e departamentalas es d’ara enlà en preparacion.
Dins cada departament, grops trabalhan a l’elaboracion d’un programa e la constitucion de listas. Lèu, una formacion d’elegits a venir serà prepausada als candidats.
Dins la segonda partida del mes d’octobre e al mes de novembre sont programats amassadas ambe d’autres moviments e grops que seràn partenaris per aquestas escasenças.
Lo moviment, politicamant neutre, te mòstra plan clarament sa dobertura a las personas interessadas per lavertadièra democracia participativa.
Aquí qu’avètz los contactes per las e los que vòlon escambiar, participar :
Relacion comunicacion : Jean-Luc Davezac 06 51 28 30 25 [email protected]
Lo siti : occitanie-paisnostre.fr
Facebook : Occitanie País Nòstre
You Tube : Occitanie País Nòstre
e Occitània País Nòstre
J.P
