Un comitat novèl de "Bastir Occitània" !
Le moviment ciutadan "Bastir !" t'existís dempús mès de tres ans. Implicat socialament e culturalament, a l'òbra entà la prosperitat e la reconeishença deus cantons nòstres, aqueste moviment estèc tanben de cada combat politic en Occitània : eleccions municipalas de dus-mila-quatòrze, eleccions departamentalas e regionalas de dus-mila-quinze... En dus-mila-sètze, 'Bastir !" s'endralhèc dambe au cap ua capitada vertadèra dins le debat au sicut de la causida deu nom de la region "Occitanie". Dempús l'Amassada Constitutiva de la dimenjada deu quatòrze au sètze d'octobre de dus-mila-sètze, e en referénça au novèl nom de la region, "Bastir !" se sona d'ara enlà "Bastir Occitània", e bota en plaça nombroses comitats capvath Occitània Granda sancèra.
En aqueste an novèl de dus-mila-dètz-e-sèt, un aute comitat novèl ven d'espelir dins le canton Mondin : le comitat Bastir Tolosa-Lauragués. T'a per president le Laurenç Bales, que se pòt juntar a l'adreça mèl que seguís : [email protected]
Comitat Bastir Tolosa Lauragués : Laurent Balès, [email protected]
Bastir Occitània : Jean-Luc Davezac, [email protected]