Menu

Bastir Occitània invitat a l'AG deu PNO

101_2857.JPG

Bastir Occitània invitat a l'AG deu PNO

 

Lo Partit de la Nacion Occitana (PNO) hasoc engüan la sua Amassada Generala a Banhòus de Céser (lengadòc), dins lo son locau, los 19 e 20 de noveme de 2016.

Après lo vòte unanime sus quauques amendaments, lo programa nacional novèl estèc definitivament adoptat e serà lèu difusat suus hialats sociaus. La direccion estèc tanben renovelada e compta d'ara enlà tres co-presidents : Gèli Grande, Pèire Barral e Joan-Pèire Hilaire.

Entà l’eleccion presidenciala, lo Partit de la Nacion Occitana contunha de sosténguer la demarcha de Christian Troadec mès se prononçarà sonque quan las candidaturas a-n'aquesta eleccion seràn oficialament validadas.

Candidaturas deu Partit a las eleccions legislativas son envisajadas a condicion que lo finançament sia trobat. Contactes seràn pres per aquò.

Ua delegacion de Bastir Occitània recebuda

D'auta part, lo Partit de la Nacion Occitana a recebut ua delagacion de Bastir Occitània, menada per Joan-Luc Davezac entà un escambi de vista fructuós, notadament sus l’intensa campanha de terren menada per aqueste moviment entà que la novèla region Miegjorn-Pirenèus-Lengadòc-Rosselhon se sone Occitània o Occitània - País catalan.

 

      Lo PNO e Bastir Occitània son sus la medisha longor d’onda e contunharàn de tribalhar amassa.

Au cap de l’AG, se hasoc tanben l’AG de la revista deu partit, "Lo Lugarn".

Contactes :

- Joan-Pèire Hilaire : @ jean-pierre.hilaire/at/wanadoo.fr

- Gèli Grande : @ geli.grande47/at/laposte.net

- Pèire Barral : @ peire.barral/at/orange.fr

ob_bd01b2_ag-pno.jpg
101_2861.JPG
Suggestion d'articles
Commentaires d'articles
Suggestion d'articles