.jpg)
Combarogèr, viltage Occitan
Coma ac sabètz, le vinta-qüate de junh passat le Conselh Regionau validèc le resultat de la consulta ciutadana deu mes de mai que t'avèva plebicitat le nom "Occitània" entà la region nòsta. A l'escadença de la hèsta locala de la dimenjada deu dèza-nau au vinta-un d'agost, le vilatge de Combaroger (Lomanha) te celebrèc de son biais la recuperacion deu nom istoric e popular de la region en se vestir aus colors d'Occitània, en tanben programar le dimenge d'apèi-dinnada dins l'encastre de las hestivitats un bal tradicionau de dançaires deu Carcin entà botar en davant las tradicions secularas Occitanas de la region nòstra, manièra de nos sensibilisar a çò que podèva semblar en Occitània las balòchas deu debut deu sègle precedent, avant la "revolucion culturala" deu bal-museta de las anandas 1930 (nescut de la fusion de las diasporàs Italianas e Occitanas de la region Parisenca), plan avant tanben de la deus bals-discòs de las annadas qüate-vints (que la formula, fin finale, chic cambièc, a part benlèu los títols jogats)...
En a pena un sègle solament, la societat Occitana te cambièc considerablament, coma le Monde que costejam dins le quau vivèm. Atau, le biais de's vestir e la musica jogada auèi en Occitània son a d'annadas-lum de çò que se hasèva un sègle i a sonque.
Atau,l'espaci de quauquas oras, les dançaires deu Carcin nos an tornar creat l'ambient de çò que podèva semblar a ua hèsta locala a Combarogèr... en mila-nau-cent-sètze !
Un passat assumit e decomplexat, es aquò que hè la fòrça d'ua societat coerenta e dinamica : se bastísh pas l'avénguer que sus fondacions hòrtas. Quant sabèm d'ont venèm, sabèm t'ont vam, e maugrat la mudason espectaculara de la societat pendent le sègle passat, le vilatge de Combarogèr desbremba pas les rasics culturaus Occitans sons, dins aqueste cas, per aquesta mena de "reviscòl istoric" deu folclòre regionau.
Qu'ei tanben ua faiçon simbolica dins l'encastre de la balòcha de celebrar la recuperacion engüan deu nom "Occitània" entà la region. Ua iniciativa que't desagrada pas le Jòrdi Passerat, hilh deu Pays e locutor naturau de la lenga Occitana, que n'estudièclas subtilitat dins les escriuts d'Antonin Perbòsc, Antonin Perbòsc que viscoc justament dins la societat Occitana (e occitanfòna) de la fin deu sègle Dèza-nau, en ua epòca que les bals folclorics deu Carcin t'èran a la mòda.