Peu prumèr còp, L'Isla-de-Baish te recebèva lo Torn-de-França au títol de ciutat-etapa (la setièma) lo uèit de julhet. Atau, los corrairas son partits en bicicleta de L'Isla de cap la fin de matinada, mentre que la television Francesa difusava en dirècte de la ciutat Gascona una emission familiala ("Vilatge Partença") dambe fòrça convidats famuses, coma lo cantaire Amir, plan popular engüan per'mor de la capitada de la sua cançon "Èi cercat", l'actriça Hélène Rollès, era plan coneguda dempus las annadas 90 d'aver avut lo ròtle màger de la seria "Elena e los Gojats", l'anciana Miss França (1998) Sophie Thalmann, o encara lo grop Elmer Food Beat, grop ròck francés deu debut de las annadas 90 qui, a l'epòca, hasquèren polemica dambe la cançon peberada "Daniela". Tot aqueth monde amassat sus l'Esplanada deus Pirenèus entà d'aquesta festivitat en paralèla deu passatge de la famusa corsa ciclista entau contentament deus pichons atau coma deus grands !