.jpg)
Le dissabte trenta d'abriu, les militants de la seccion de la Gasconha Tolosana deu mouviment "Bastir!" anèron suu mercat de L'Isla-de-Baish entà presentar aus ciutadans lor punt de vista rapòrt au futur nom de la region.
En efèit, se tròba que l'amassada plenièra deus elegits regionaus de Langadòc-Rosselhon Miejorn-Pirenèus prepausa cinc noms novèls que seràn sosmes a ua consulta ciutadana prevista a partir deu nau de mai que ven. Entre les cinc noms prepausats, "Bastir!" pensa que "Occitanie" (Occitàna) e "Occitanie-Pays Catalan" (Occitània-País Catalan) rebaten çò milhor la nòsta identitat autoctòna. "Languedoc" (Lengadòc) que restrenh de tròp, prumèr per'mor que l'identitat regionala ne se resumís pas a la lengue (d'òc), le patrimòni culturau e architecturau, la gastronomia (deu hitge gràs au rocafòrt en passar peu vinhau, les vins deu "país d'Òc", l'armanhac, le flòc etc), la faiçon de viure (convivialitat, paratge), l'esperit hestiu (feriàs) e esportiu (rugbí) son taben causas que hèn la nòsta identitat Occitana "Sudista". D'auta part, d'un punt de vist istoric, le Gèrs ei pas concernat per "la province de Lengadòc" (= Comtat de Tolosa), per'mor que le Gèrs qu'ei ua part de Gasconha (Aush = Comtat d'Armanhac) ! "Pyrénées" (Pirenèus) ei le nom d'ua serra, qu'ei un terme geographic estrict, pas brica identitari (a part benlèu entaus ors... e enqüèra, quan son pas Eslovènes !), e en mès d'aquò, tròp larg : la serra deus Pirenèus, qu'ei l'Espanha, l'Aquitània, le País Basc... Ei pas representatiu de la region nòsta, qu'ei d'ailhor de prumèr implantada suu Massís Central : Avairon, Losèra, Òlt... E entà "Méditerranée"... La Mediterranea ? que te hè pensar a Itàlia, a Grècia, Turquia, Libia, Siria, Egipta, Algeria... En que lo mot "Mediterranea" diuriá logicament hèr pensar dins las memòrias la région Mondina ?
Fin finala, "Occitanie" (Occitània) e "Occitanie-Pays Catalan" (Occitània-País Catalan) son les dus noms les mès eloquents. "Occitània" tot simplement per'mor que la region qu'ei Occitana ça'm par ; e se pòt eventualament botar en mès d'Occitània "Pays Catalan" (País Catalan) entà prénguer en compte la minoritat Catalana deus Pirenèus-Orientaus
La populacion Lislesa ei estada manifestament fòrça receptiva a-n'aquesta argumentacion presentada dissabte passat peus sòcis deu grop "Bastir! - Gasconha Tolosana". Demòra de saber se les "oficiaus" (Conselh Regionau, Conselh d'Estat) prengueràn en consideration le resultat d'aquera consulta ciutadana a vénguer. Quin que sia le resultat d'alhors. Seriá incredible que dins le País deus Drets de l'Òme, doncas de la democracia, les dirigents causiscan un nom diferent de'u gessit d'ua consulta ciutadana !
