Occitanie

38-occitanie_1379427365.gif

A prepaus deu nom de la région (2)

Les qui's preocupan sustot de "quant nos va costar la colhonada" se foten plan deu nom de la region aont demòran (deu moment qu'aquò toca pas au pòrta-moneda)

Enfin, les qu'an pas que mesprés per l'identitat de la region e qui ne vodrián hèr ua marca de fromatge dambe un nom "portaire a l'estrangèr" se son probablament concertats tanben e mobilizats entaus sondatges... Fin finala, vedèm "Occitània" que t'arriva tostemps  pr'aquò francament en cap : aqueres sondatges testimònian ça'm par d'ua tendéncia.

Vos citi :

"Compte tengut de las possibilitats tecnicas entà un internaute avertit de't hèr fòrça votacions eth-solet, aquestes resultats se pòden pas considerar coma comparables aus sondatges metodics menats de costuma per organismes adobats sus escantilhs ciblats"

Aquò qu'ei valable entaus "regionalistas"... Ei tant valable tanben entaus "mondialistas" !

Alavetz, que ne pensar ? en que le nom "Occitània" seriá mès problematic que son quasi-sinonime "Lengadòc" ? podèm avançar d'autas ipotesas, benlèu mès esconudas :

> "Lengadòc" t'evòca forçalament l'axe Tolosa-Montpelhièr. La causida deu nom "Lengadòc" t'exprima l'idea de l'identitat urbana dominanta de Tolosa e Montpelhièr, la Gasconha e la Catalonha son alavetz relegadas dins les Pirenèus... Les "montanhòls" Gascons e Catalans van aimar... "Lengadòc" t'a ua conotacion mès administrativa, mens identitari que "Occitania" : le Lengadòc ei desjà usitat coma entitat administrativa. Au lòc que "Occitània" t'evoca exclusivament ua identitat territoriala linguistica e culturala.

Mès se l'identitat ei quauqu'arren que't parla au monde, aquò te demòra un sicut un pauc vergonhós entà l'elita, entaus notables. Aquò t'explica benlèu la carnavalada de la causida deu nom de las regions. Pas qu'aicí en Occitània, d'alhor ("Lengadòc" coma version edulcorada d'Occitània ; "Pirenèus" plan mens identitari que "Gasconha" o "Catalonha")... Desjà, au nòrd, la nomenklatura a trucat : les Picards e les Flamencs te van d'ara enlà demorar en "Hauts de França" ; la Champanha, l'Alsàcia e la Lorena van lèu acabar dins las pobelas de l'istòria en èster re-orientats cap au "Est-Gran" o benlèu acabar extradats en "Alcalia"... Caleria pas qu'en mès d'aquò nos neguen les Auvernhats dins Ròse-Aups o les Aquitans dins Atlantic...

Paura França de baish !

 

Logo_CR_Midi-Pyrénées.svg.png
Logo_CR_Midi-Pyrénées.svg.png
Languedoc-Roussillon-Midi-Pyrénées.jpg
Languedoc-Roussillon-Midi-Pyrénées.jpg
manif-Tolosa-31 de març de 2012 (2).jpg
manif-Tolosa-31 de març de 2012 (2).jpg
Publicité
Suggestion d'articles
Suggestion d'articles