"Adiu Poié"
Cada Lislés au còr rugbí, au còr USL coneish Renat sonat Poié.
Renat Poidebath èra ua votz fòrta deu rugbí, un afogat, un bras, un volontari del'USL. A qüate-vint sèt ans ven suu pic de nos deishar, les lislesses t'an perdut un imatge fòrta deu monde associatiu, ua personalitat brava per çò qu'èra eth-medish e per le hèit qu'èra tostemps disponible entà rénder servici.
Capvath totes los sovièrs que demòran de Renat per la sua activitat permanenta au mièi de la familha deu rugbí, demòra le jorn que le club estèc dotat d'un aparelhatge entà lavar les camisòts, la sua contentessa èra immensa, eth e la sua hemna avèvan assegurat aquesta "mission" de lavatge pendent d'annadas. Poié èra tanben "mèste-grasilha" pendent hèstas, recepcions deus sang e òr. Podèm pas desbrembar sos comentaris estrambordants que balhavan ua dusau vita a las partidas del'equipa de França. Mercés Renat.